„Женското седење“ или седечката положба со прекрстени нозе е една од најпопуларните, но многу години се води дебата за тоа колку е навистина здрава за нашето тело. Додека многумина рекоа дека го стимулира формирањето на целулит, експертите откриле дека има уште полоши последици.
Според „Брајт Сајд“, експертите рекле дека најважно е да научите да седите исправено, а покрај тоа што оваа позиција е одлична за здравјето, наводно ја зголемува и самодовербата на една личност. Прекрстените нозе додека седите може да го оштетат перонеалниот нерв и на тој начин да ги ослабнат мускулите одговорни за подигнување на стапалата. Исто така, може да има нерамнотежа во карлицата, бидејќи внатрешниот бутен мускул станува пократок, а надворешниот станува подолг – во таква состојба постои ризик зглобовите да се поместат од место.
Иако генетиката игра голема улога во појавата на видливи вени, практикувањето на овој вид седење ги зголемува шансите за тоа. Имено, во крвните садови има мали вентили кои спречуваат крвта да тече во погрешна насока. Кога нозете се прекрстени, притисокот врз вените се зголемува и го отежнува протокот на крв. Истражувањата покажаа дека може да го зголеми и крвниот притисок во телото – дури и кај луѓето кои нормално ги немаат овие проблеми – затоа што ја влошува циркулацијата. Истражувањата исто така покажаа дека седењето со скрстени нозе повеќе од три часа на ден доведува до многу лошо држење на телото. Покрај тоа, постои болка во долниот дел на грбот, вратот и колковите.
