Доколку размислувате за уредување на животниот простор пред да ја донесете конечната одлука за изгледот на вашиот дом добро е да знаете дека постојат три основни елементи кои задолжително треба да ги употребите за да го создадете домот од соништата.
Тапетите, завесите и теписите се елементите кои го поврзуваат сиот декор во целина.
Тапети
Иако до неодамна тапетите важеа за невкусен рудимент од осумдесетите години, денес тапетите се најпопуларната алатка за модерно уредување на домот. Неретко тапетите се токму они кои им даваат живот на просториите и го надополнуваат новиот изглед. Со внимателен избор на боја, вид и структура тапетите може да ги применувате во сите простории во домот и канцеларијата. Освен оние кои се изработени од хартија, постојат тапети кои се произведени од различни материјали, како имитација на кожа или релјефни дизајни кои многу вешто ќе ги прикријат сите неправилности и дупки во ѕидот. За ултрамодерно уредување може да ги користите и тапетите изработени од текстил, кои создаваат атмосфера на раскош и луксуз.
Завеси
Завесите претставуваат многу важен елемент во уредувањето на просториите. При одбирањето на истата треба да знаете дека завесата треба да ја прилагодите на мебелот во просторијата. Доколку мебелот кој сте го одбрале е во јака боја, непогрешлив избор на завеса се неутралните тонови. Комбинирањето на завесите и мебелот во различни бои е возможно но потребно е да бидете многу внимателни.
Теписи
Одбирањето на тепих може да претставува многу тешка задача со оглед на фактот дека токму теписите се едни од основните елементи кои создаваат чувство на топлина и стил во секој дом. Добриот тепих е многу повеќе од украс на домот, покрај тоа што внесува топлина, го заштитува подот, пружа звучна изолација и визуелно ги поврзува останатите елементи во просторијата. Денес понудата на теписи на глобално ниво подразбира голема понуда на дизајни кои може да го задоволат сечиј вкус и да се вклопат во сите стилови на уредување.
При одбирањето на идеалните тапети, завеси и теписи имајте на ум дека е потребно многу внимателно да го изберете дизајнот на истиот, а за идеално уредување на просторот и вклопување на сите елементи потребни се многу знаења и вештини. Затоа пред да донесете одлука за изгледот на вашиот нов дом и уредувањето на истиот размислете да побарате помош од лице специјализирано за ентериерно уредување. Дизајнерот за ентериер не само што ќе ви помогне да го направите вистинскиот избор при одбирањето на овие елементи туку и ќе се погрижи за правилно поставување на истите. Во нашата земја благодарениe на архитектонско дизајн студио Култ Дизајн, достапни се голем број на познати европски производители на овие три елементи како што се: Еlitis, Casamance, Texam Home, Architects paper, Ligne Pure, AS creation. Повеќе фотографии и информации за самите тапети и услугата која ја нуди Култ Дизајн за внатрешно уредување може да погледнете на веб страната www.kultdesign.mk.
