Многу луѓе не го сакаат вкусот на карфиолот, но доколку знаете како да го подготвите, може да ви стане ново омилено јадење.
Супа од карфиол
Состојки:
- 1 поголем карфиол, поделен на помали парчиња
- 2 компири
- сол и бибер
- леб
- сланина
Подготовка:
Исечете го карфиолот на помали парчиња, компирот во коцки, па варете ги заедно во солена жешка вода додека не станат меки. Зачувајте околу три децелитри од водата и исцедете го зеленчукот. Потоа вратете ја водата и продолжете да готвите. Додајте сол и бибер и оставете ја смесата да зоврие. Во меѓувреме исецкајте ја сланината на тенки парчиња и печете ја со лебот, додека не станат крцкави. Додадете ги сланината и лебот во супата и уживајте.
Похован карфиол
Состојки:
- 1 карфиол
- 2 јајца
- 100 гр брашно
- 100 гр презла
- сол и бибер
Подготовка:
Исечете го карфиолот на мали парчиња, додадете сол и бибер. За поховање прво го ставате во брашно, потоа во јајца, па на крај во презла. Пржете додека не добиете златна боја.
Салата од карфиол
Состојки:
- 1 карфиол
- 3 чешниња лук
- маслиново масло
- свеж магдонос
- сок од еден лимон
- сол и бибер
Подготовка:
Исечете го карфиолот на мали парчиња и варите го во солена вода околу 20 минути. На малку маслиново масло испржете го лукот и додадете го карфиолот. Динстувајте и оставете да се излади. Додадете уште малку маслиново масло, сок од лимон, сол, бибер и свежо сецкан магдонос.
