Архитектонскиот фотограф Zsolt Hlinka поминал години фотографирајќи ја симетријата на зградите во Будимпешта, а сега следи нов проект – Viennametry.
Геометријата во градската архитектура ја претставува преку интересни фасади и скалила. Виена е модерен град со богата историја, инспирација има на секој чекор.
„Иако објектите се чинат фиксни и тивки, со внимателно набљудување може да се видат спомените кои се врежани во нив.“ вели Hlinka.
Тој покажува како старото и новото коегзистираат заедно. Во градот каде маестралните дела на Заха Хадид, библиотеката и едукативниот центар, се во хармонија со аrt nouveau архитектурата.
Viennametry ја претставува колоритноста и урбаноста на градот, а Hlinka на свој уникатен начин ги прикажува во ново светло објектите.
