Доколку планирате да го декорирате вашиот дом, имаме одлична вест за вас: не мора да трошите многу пари при изборот на ентериер. Имено, дизајнерите ни даваат совети на што можеме да заштедиме при уредувањето на просторот за живеење.
Во кои парчиња мебел да инвестирате и каде да заштедите?
Совет е да одвоите малку повеќе пари за следните парчиња мебел.
Софа / кауч
Квалитетна гарнитура или софа е неопходна за секој дом, бидејќи се користи секојдневно. Потребно е да изберете безвременско парче кое секогаш ќе биде во тренд. И за секогаш да одговарате на ентериерот, играјте со ќебиња и перници.
Душек
Потребно е да се купи квалитетен душек кој ќе трае многу години. Квалитетниот сон е неопходен за правилно функционирање на целиот организам. Затоа, за ова е неопходен удобен душек.
Рамка за кревет
Откако ќе го најдете совршениот душек, време е за кревет. Тој е главната ѕвезда на спалната соба и самата рамка треба да биде убава, функционална и стилска, во согласност со останатиот дел од собата и личниот вкус
Мебел што го користите секој ден
Фотелја, маса, столчиња, трпезариска маса како и работна столица и маса се парчиња мебел кои ни се потребни секој ден. Затоа, потребно е да се изберат поквалитетни парчиња.
Осветлување
Светлината може да влијае и на изгледот на вашиот дом, а покрај тоа ни е неопходна секој ден.
На што да заштедите?
Уметнички дела
Оригиналните слики се многу скапи, но убавата слика не мора да чини цело богатство. Секогаш можете да се одлучите за печатени платна кои ќе го имаат она што го сакате. Исто така, текстураните платна се одлична идеја.
Декорација
Светилки, украси, вазни, перници и тренди украсни парчиња може да се најдат по многу подобри цени. Размислете за посета на битпазар или саем во потрага по украси за вашиот дом.
