Само пет до десет минути утринско истегнување носи многу придобивки за телото, дознајте кои од нив.
Вклучувањето на вежбањето во вашата утринска рутина може да биде вистински предизвик, но само пет минути истегнување по будењето е доволно за да се чувствувате подобро пред да се подготвите за работа или појадок. Американското здружение за срце препорачува да се истегнувате додека мускулите се уште се топли, па штом ќе станете од кревет, пренесува LiveStrong. Затоа, поставете го алармот пет или десет минути порано и поставете се покрај прозорецот од кој доаѓа сончевата светлина.
Во продолжение дознајте ги сите придобивки поврзани со утринското истегнување.
Подобрете го држењето на телото
Многу луѓе, особено оние кои долго седат пред компјутер, развиваат лошо држење на телото како резултат на преоптоварени мускули на грбот и затегнати мускули на градите. Тие завршуваат со стуткани грбови и рамења кои се издигнуваат веднаш под нивните уши.
Утринското истегнување кое се фокусира на отворање на овие мускули може да биде ефикасен метод за нивно опуштање. Како што овие мускули стануваат пофлексибилни, промените на држењето на телото ќе станат очигледни. Изведете серија вежби за кревање раменици и истегнување на градите во текот на денот.
Помалку болка
Утринското истегнување може да биде корисно и кога станува збор за елиминирање на болката во мускулите и зглобовите. Иако овие болки можат да се појават во секое време во текот на денот, тие често се појавуваат наутро – откако телото долго време мирува. За најдобри резултати, практикувајте нежно истегнување за да го загреете телото и да ја ублажите непријатноста во зглобовите. Како што стареете, вашите мускули се намалуваат и помалку течност ги опкружува тетивите, па затоа е добра идеја да ја продолжите оваа навика во подоцнежните години.
Зголемен проток на крв
Истегнувањето може да биде корисно и кога станува збор за зголемување на протокот на крв во сите делови на телото, вклучувајќи го и мозокот. Иако здравиот проток на крв е важен во текот на денот, тој е особено важен во утринските часови бидејќи денот го започнуваме по неколку часа сон. Правилниот проток на крв ја зголемува концентрацијата и ги изострува сетилата.
Повеќе енергија
Утринското истегнување помага да се разбудите и ќе го одржи нивото на енергија во текот на денот бидејќи спречува замор и чувство на замор. Вежбите за флексибилност се важен дел од секоја програма за физичка активност.
