Подготовката на овој мус е исклучително лесна, а резултатите ќе ве воодушеват! Познатиот модел Криси Тајген објави дури два кувари, полни со едноставни и вкусни рецепти. Меѓу нив е и рецептот за неодоливиот чоколаден мус. Подгответе го и вие!
Состојки:
За чоколадниот мус:
- 1 шолја чоколадни зрна
- 1/3 шолја полномасно млеко
- 3/4 шолји слатка павлака
За кекс:
- 2/3 шолји шеќер
- 2 лажички вода
- 4 кафени лажички мед
- 1/4 лажички сол
- 1 шолја крцкави житарици
- прстофат сода бикарбона
- 1/3 шолја пржени исечкани лешници
Подготовка на чоколадниот мус:
- Во голем сад измешајте ги млекото и чоколадните трошки (може да користите и изрендано чоколадо).
- Мешавината ставете ја во микробранова печка и почекајте околу минута и 15 секунди или гответе на тивок оган на шпоретот додека состојките не се соединат.
- Причекајте петнаесетина минути да се олади смесата, а потоа во неа изматете ја (претходно подготвената) слатка павлака.
- За да биде смесата густа и лесна, не треба да ги мешате состојките пребрзо.
- Добиениот мус се сервира во две чаши и се остава да се олади.
Подготовка на кексот:
- Помешајте шеќер, мед и вода и заедно варете ги на тивок оган додека не добиете смеса која потсетува на карамела (цело време мешајте ја смесата).
- Откако ќе ја добиете таа текстура, тргнете ја смесата од шпоретот и додадете сол, сода бикарбона, житарици и лешници.
- Добро промешајте ги состојките, а потоа ставете ги во голем рамен сад, на кој претходно сте ставиле хартија за печење.
- Причекајте да се олади и зацврсти и потоа исечкајте на ситни парчиња.
Добар апетит!
