Потпечените тиквички во рерна со домат и кашкавал се најдобар начин да направите вкусно јадење кое ќе ги разбуди сите ваши сетила.
Состојки:
- 4 тиквички
- 4 домати
- 150 гр павлака
- 150 гр кашкавал
- 2 чешниња лук
- масло за подмачкување
- сол
- мирудија
- зачини по желба
Подготовка:
Доматот и тиквиците измијте ги и исечете на тркалца, па посолете ги и оставете десетина минути. Огноотпорниот сад премачкајте го со масло, па наизменично редете ги тиквиците и доматите.
Зачинете со мирудија и зачини по желба. Лукот ситно исечкајте го, па помешајте го со павлака и додадете малку сол и мирудија. Промешајте, па премачкајте преку тиквиците и доматот. Кашкавалот изрендајте го на крупно ренде, па ставете го над подготвеното јадење.
Печете во рерна загреана на 180 степени, 45 минути.
Јадењето послужете го топло.
