Доколку ви е доста од месо, сарми, руски салати, ви предложуваме да направите чорба богата со зеленчук која без проблем ќе ја приготват и оние кои не се вешти во кујната. Оваа вкусна чорба е за сите генерации и е многу здрава.
Состојки:
300 гр исчистена тиква
150 гр компири
80 гр кромид
80 гр целер
80 гр морков
40 гр корен од магдонос
40 гр пашканат
1 чешне лук
2 лажици пченка
Зачини:
половина лажичка кари
половина лажичка ѓумбир во прав
сок од половина лимон
сув зачин, бибер, сол
Подготовка:
Тиквата и компирот исечкајте ги на коцки. Лукот и кромидот, како и пашканатот исечкајте ги, а морковот, целерот и коренот од магдонос изрендајте ги. Во сето тоа додадете и малку пченка и малку повеќе од литар вода. Додадете ги сите зачини, совен лимонот и варете додека зеленчукот не омекне.
Кога ќе се свари зеленчукот, добро изгмечете го и изматете го со миксер. Вратете го на рингла да проврие, додадете го сокот од лимон и дотерајте го вкусот по желба.
По желба, пред служење, може да додадете и павлака, семки од сончоглед или тиква.
