За подготовка на мексиканска салата ќе ви бидат потребни следните состојки:
- 2 глави кромид
- 3 црвени пиперки
- 3 зелени пиперки
- 100 гр пченка
- 300 гр црвен грав
- Чили, Табаско сос
- Масло и оцет
Подготовка:
Кромидот, црвената и зелената пиперка исечете ги на ленти или коцки. Гравот, доколку е од конзерва, треба да се загрее. Во гравот додадете ја пченката, потоа зачинете со чили сос по потреба.
Измешајте го зеленчукот со гравот, додадете масло и оцет, измешајте и зачинете по потреба. Салатата потоа треба да ја ставите во фрижидер, најмалку 20 минути, бидејќи се служи ладна.
Добар апетит!
