Таа нова атракција којашто пред неколку години ја осмислиле локалните претприемачи, сепак, нема да испушта литри и литри од бесплатно пиво кое посетителите би можеле да го пијат додека имаат волја, туку секој оној којшто ќе плати 6 евра ќе добие специјална чаша со микрочип, во којашто ќе може да си наточи по децилитар пиво од секоја од петте различни славини.
– Нашата цел не е за тука луѓето да се опијат, туку само сакаме да ја промовираме културата за консумирање на пиво, изјавил градоначалникот на Залец, Јанко Кос, додавајќи дека цената којашто ја наплаќаат е крајно конкурентна во однос на цените во другите земји.
– Интересот на луѓето од странство е неверојатен. Луѓето се јавуваат буквално од секаде и ме прашуваат што имаме да понудиме. Тоа секако не може да биде лошо, потенцирал Кос.
Тој и додал дека благодарение на новата фонтана, која е поставена во градскиот парк, Залец ќе се најде и на туристичката мапа на Европа.
Фонтана со пиво? Па тоа дефинитивно не звучи воопшто лошо!
