Со цел да овозможиме плус причини да се радуваме на 2021 и со топлина, љубов и игра да ја започнеме новата 2022 година, тимот на Ways2help со радост ја најавува акцијата “Донирај новогодишен подарок”, поддржана од “Вистински дела на Љубезност” и “Среќа.мк”, “Среќа Бар” каде може да се донесат донациите од новогодишни пакетчиња најдоцна до 25ти декември.
Целта е оваа зима, да успееме над 350 деца од социјално загрозени семејства на воздраст од 0-15год. да добијат новогодишен подарок и да се израдуваат во својот дом.
Може да се донираат играчки за најмалите, книги, енциклопедии, сложувалки, книги и друштвени игри, новогодишно пакетче со храна и се останато што е чисто, употребливо и што ќе им се најде. Препораката е секој подарок да биде спакуван во украсна ќеса или завиткан во новогодишна хартија со порака од донаторот.
Сите новогодишни пакетчиња и донации со играчки, книги може да ги донесете во Среќа Бар (кај Американ Колеџ и МИТ), најдоцна до 25ти декември.
Бидете и вие некому новогодишно изненадување, Споделувајте, донирајте или платете сметка на https://ways2help.us/plati-smetka/
