Тортата „Снегулка “ е едноставна за подготовка, лесна, пенеста и мека. Поради нејзиниот одличен вкус, можете да ја подготвите за секоја пригода.
Потребни состојки за кората:
- 5 белки
- 5 лажици шеќер
- 5 лажици брашно
- 1/2 кесичка прашок за пециво
Потребни состојки за филот:
- 500 мл. млеко
- 5 жолчки
- 100 гр. шеќер
- 1 лажица ванилин шеќер
- 50 гр. чоколадо за готвење
- 200 гр. бисквити
- 300 мл. павлака
- 1 кесичка инстант желатин
Состојки за украсување торта:
- 200 мл. слатка павлака или шлаг
Начин на подготовка:
Изматете ги белките со шеќерот, додадете го брашното и прашокот за пециво. Истурете ја смесата во тава покриена со хартија за печење и печете ја на 2000С околу 30 минути.
Загрејте 100 мл. млеко со ванилин шеќер. Испечената кора избоцкајте ја со чачкалица и истурете го врз неа зовриеното млеко. Оставете да се излади.
Загрејте 400 мл. млеко. Изматете ги жолчките со шеќер, а потоа смесата истурете ја во топлото млеко. Варете ја смесата, мешајќи. Откако ќе зоврие, тргнете го тенџерето од оган. Желатинот додајте го во топлата смеса.
Одделно измешајте 300 мл. павлака и измешајте ја со филот. Оставете ја смесата да се излади.
Ставете ги чоколадото и бисквитите и додајте ги во филот, кој предходно е целосно изладен, па добро измешајте.
Врз кората ставете го кремот. Ставете ја тортата во ладолник да се излади. Потоа изматете ја павлаката или шлагот и премачкајте ја целата торта.
Украсете и послужете!
