Грција вечерва ја потресе земјотрес со јачина од 5 степени според Рихтер. Потресот се случи 22 минути по полноќ, а е почувствуван и во Бугарија и во јужните делови на Македонија, во Гевгелија, Струмица, Валандово.
Македонските граѓани кои живеат во близина на грчката граница, на социјалните мрежи пишуваат дека земјотресот силно здрмал и многу ги вознемирил.
Засега нема информации за евентуални штети или жртви. Се уште не е објавено ни каде бил епицентарот за земјотресот.
