Појавувајќи се преку видео повик, Лиза Кудроу, Џенифер Анистон и Кортни Кокс имаа мини средба на „Пријатели“ кога телефонираа за да разговараат со Џими Кимел на доделувањето на овогодинешните ЕМИ награди.
Додека шоуто се приближуваше кон крајот, водителот Џими Кимел сакаше да направи видео повик со Џенифер Анистон која беше водителка за вечерта. Таа се појави на екранот, но наскоро и се придружија и ко-sвездите на „Пријатели“, Кортни Кокс и Лиза Кудроу. Кимел се прашуваше зошто сите се собрале,а тие му објаснија дека биле цимери од 1994 година – упатување на нивните ликови во шоуто.
Кортни рече: „Секако дека сум тука, живееме заедно“, а Џенифер се надоврза: „Да, ние сме цимерки во собата од 1994 година Џими“. Токму тогаш се појави и колешката Лиза Кудроу, која се прашуваше: „Дали е ова ТВ во живо?“
Повикот имаше уште едно изненадување бидејќи Џејсон Бејтмен се појави во позадината на повикот, шегувајќи се дека домаќинот се јавува за да го ”избрка од сопствената куќа“.
Анистон заврши со тоа што му даде поддршка на Кимел, велејќи дека направиле неверојатно шоу, пред нагло да го прекинат повикот за вечера.
Погледнете го видеото од целосниот разговор во прилог.
Инаку, денес 22 септември се одбележува 26-годишнината од првата епизода на Пријателите – „Пилотот“ или позната уште како „Оној каде што Моника добива цимер“ на нашите екрани. Во 1994 година беше емитувана оваа прва епизода каде Пријателите станаа еден од најпознатите ситкоми на сите времиња, со пријатни проблеми на шест пријатели од Њу Јорк додека минуваат низ животот. Првата епизода не запозна со Рејчел, Џои, Моника, Фиби, Чендлер и Рос за прв пат – затоа само за да ги освежиме сите наши сеќавања, еве неколку моменти од првата епизода на ПРИЈАТЕЛИ.
