Работниот стил во себе содржи сериозност, стабилност и интелектуална ориентација. Но, тоа не значи дека мора да биде и досаден. Ви претставуваме 10 MUST HAVE парчиња за секоја деловна жена.
1. Црни штикли
Кога бирате чевли за во канцеларија, препорачуваме пред се да се придржувате кон три правила: модерно, работно и елегантно. Дискретната но софистицирана работна комбинација веднаш прави да имате повеќе самодоверба. Непогрешлив избор се црните штикли.
2. Eлегантна ташна
Ташната може многу добро да го постави стилот во вашата гардероба или да биде парче кое ќе ја убие монотонијата и досадниот изглед. Вистина е дека многу жени немаат плакар како оној на Кери Бредшо, и не можат да си играат игри облекувајќи се два часа пред одење на работа, па затоа бирајте големи и елегантни ташни од цврст материјал.
3. Комплет одело
Основни три парчиња – блејзер, панталони и здолниште се најважната ставка за секоја деловна жена. Лесна ткаенина во црна, тегет и сива боја е совршен избор за конзервативни прилики.
4. Црн фустан
Црниот фустан е неопходен во сечиј плакар. Со едноставно комбинирање на минимални детали облечете сако во боја која ви прилега, а доколку сакате да ја истакнете вашата креативност доволна е некоја шик огрлица.
5. Бела блуза
Било да е обична бела кошула или блуза од шифон, деловната жена мора да ја има во својот плакар. Сеедно е дали е со V отвор, долги ракави или модерен стил, одлично се вклопува со долго црно здолниште до колена или панталони.
6. Eдноставно здолниште
Здолниште со А крој е основна верзија на здолниште за деловните жени. Eдноставен дизајн и неутрална боја, премногу кратко и премногу долго воопшто не делува професионално, така да должината до колена е онаа вистинската.
7. Класични панталони
Класичниот пар панталони во рамен крој, без тешки набори и детали никогаш нема да излесе од мода. Лесно се вклопуваат и секогаш ќе бидете модерни. Идеални се во комбинација со блуза и сако, а високите потпетици само дополнително ќе го зачинат целокупиот деловен изглед.
8. Џемпер или пуловер
Одлично парче кое можете да го носите дури и кога седите во канцеларија. Може да прекрие вишок килограми, а со него може да вклопете и долги панталони и здолниште. Џемперот комбиниран со елегантен долен дел и штикли изгледа доста професионално. Тој е неопходен за во зима а можете радо да го носите и на работа.
9. Лесен капут
Лесен и удобен, класичниот капут ќе ви обезбеди совршен софистициран впечаток. Eсента и пролетта се идеални за ова парче гардероба. Nudе нијансата е и понатаму најпопуларна, а се вклопува во деловниот стил.
10. Волнен капут
Зимските месеци бараат слоеви и слоеви гардероба, но волната е еден слој кој е доволен да ве стопли, затоа волнениот капут е идеален избор за во зима, лесно се комбинира и е одличен за на работа.. Бојата е ваш избор.
