Познатата дизајнерска куќа Alexander Wang оствари одлична соработка со спортскиот магнат Adidas, создавајќи колекција именувана како Adidas Originals. Откако уште минатата година беше најавен нивниот таен проект, колекцијата конечно е остварена. Трета по ред која Wang ја потпишува за германскиот бренд, се состои од вкупно 84 парчиња облека и обувки, а дел од нив се прикажани во едиторијалот кој го потпишува генијалниот фотограф Juergen Teller.
Оваа колекција, како и останатите кои ги создаде дизајнерот ја таргетира младата, урбана и кул популација која обожава удобност но и впечатливи, опуштени и лежерни дизајни на облеката. Парчињата ќе бидат достапни во продажба во продавниците на Adidas Originals како и продажните места на модната куќа Alexander Wang по цена која ќе се движи од $80 до $180.
