Изгледот на работното место игра важна улога во тоа како се чувствувате и како другите гледаат на вас, па затоа е многу важно секогаш да изгледате педантно и средено. Но деловната гардероба не секогаш се истоветува со досадните класични одела и еднолични комбинации на „молив“ здолниште и кошула. Можете да постигнете софистициран деловен изглед и со комбинирање на оние по лежерни и шик парчињата од вашиот плакар. Наместо монохроматски фустан изберете таков со цветен принт и весели шари, а на вашето класично одело додадете некој моден додаток кој ќе ја збогати комбинацијата, тоа може да е колоритна марама или кожен колан. Инспирирајте се..
