Уште во Вавилонската ера ѕвездите играле голема улога во предвидувањето на особините и настаните што ќе се случат во животот на одредена личност. Иако овој метод се смета за застарен, 12 хороскопски знаци сѐ уште можат да ја предвидат човечката природа и однесување во повеќето ситуации. Па така, тие можат да го одредат и значењето на зборовите „Те сакам“. Во продолжение, дознајте какво значење имаат овие зборови за секој хороскопски знак…
Овен: „Лудо сум вљубен/а во сето она што го правиш“
Овните се посветуваат на секоја задача, па така тие многу се посветуваат и на нивните сакани. Нивната љубов е цврста како карпа. Секогаш кога ќе прочитаат ваша порака или ќе го фатат вашиот поглед, нивното срце почнува силно да чука. Нивното те сакам докажува дека вие им значите буквално сѐ на овој свет.
Бик: „Верувам во тебе“
Припадниците на знакот Бик се повнимателни кога донесуваат одлуки во животот. Тие имаат доверба само во неколку луѓе од нивниот живот и изјавувањето љубов некому е големо достигнување за нив. Токму затоа, нивното те сакам е знак дека им е удобно покрај таа личност и дека имаат доверба во неа.
Близнаци: „Го покажувам моето вистинско лице кога сум крај тебе“
Близнаците се многу самоуверени и имаат богат социјален живот, па затоа тие без проблем можат да разговараат со секого, но понекогаш им недостасува разбирањето и емоционалната поврзаност со партнерот. Не им се јасни сопствените мисли и одлуки поради што многу им е тешко да се отворат. Нивното те сакам докажува дека вие сте единствената личност на светот пред која можат да бидат искрени и свои и со која можат да ги споделат сите лични тајни, а тоа не е воопшто лесно за Близнаците.
Рак: „Никогаш немој да исчезнеш!“
Раковите се многу емотивни и сочувствителни, па затоа нивната љубов е длабока. Тие ќе се залепат како гума за џвакање за саканата личност и никогаш нема да ја напуштат. Секогаш кога ви велат „Те сакам“ тоа значи дека вие сте им единствениот приоритет и дека ќе ги уништите доколку некогаш ги оставите.
Лав: „Ти победи“
На Лавовите им е тешко да донесуваат одлуки, бидејќи имаат само едно гледиште кон работите. Тие сакаат да им угодуваат на луѓето и да бидат во центарот на вниманието, па затоа многу тешко наоѓаат некого со кого би сакале да останат засекогаш. Нивното те сакам е најголемиот подарок што можете да го добиете од нив.
Девица: „Гледам иднина со тебе“
Зборовите „Те сакам“ означуваат силна поврзаност за Девиците. Тие играат на сигурно и секогаш имаат план. Им треба рамнотежа во животот и кога ќе кажат „Те сакам“, тие мислат на иднината и подготвени се за сериозна врска.
Вага: „Ќе те разберам или барем ќе се обидам“
Вагите не обрнуваат многу внимание на она што го велат другите. Тие се фокусирани само на себе, но вложуваат многу труд за да ги разберат нивните сакани. Нивното те сакам значи дека тие ги рушат нивните граници за да ве разберат.
Скорпија: „Ќе те заштитувам“
Тврдоглави, нервозни и манипулативни се клучните зборови што се поврзуваат со Скорпиите, но тие имаат и многу позитивни страни. Припадниците на овој знак се многу грижливи и заштитнички настроени кон луѓето кои им значат. Тие се подготвени да ве заштитат од секоја можна опасност. Тие нема да ви ја покажат нивната љубов во јавност, но нивното „Те сакам“ е од големо значење и никогаш не го кажуваат туку-така.
Стрелец: „Јас сум активен дел од нашата врска, барем сега засега“
Овој безгрижен хороскопски знак секогаш бара нови патишта и воопшто не мисли на иднината. Иако некои од нив навистина се приврзуваат, останатите веруваат дека треба да се преминува од еден на друг партнер. Тоа не значи дека Стрелците не можат да бидат добри партнери, туку дека нивната љубов понекогаш трае кратко.
Јарец: „Мисијата е да се постигне успех“
Јарците секогаш ја ставаат кариерата на прво место, па затоа честопати се мачат во полето на љубовта. Тие сметаат дека љубовта им го одвлекува вниманието. Па така, нивното те сакам значи дека тие се подготвени да станат дел од една успешна приказна.
Водолија: „Во добро и во зло, секогаш ќе бидам тука за тебе“
Водолиите се динамични и позитивни, но зборовите „сериозна врска“ им претставуваат голема фобија и обично бегаат од таквите односи. Но, откако ќе ги победат овие стравови и зборовите „Те сакам“ ќе излезат од нивната уста, тие ќе бидат подготвени да останат со вас засекогаш.
Риби: „Ќе ти ги простам сите грешки“
Рибите се непоправливи романтичари. Освен тоа, тие се подготвени да ја простат секоја ваша грешка, што понекогаш ги доведува до непожелна ситуација. Ако Рибите ви кажат дека ве сакаат, тоа значи дека ќе преминат преку сите ваши грешки и мани.
