Поранешната порно ѕвезда Миа Калифа пред три години престанала со снимање на филмови за возрасни. За причините за своето „пензионирање“ досега не говорела, па затоа не е ни чудо што едно од нејзините последни интервјуа во кои говори за тоа, предизвикало големо внимание. Имено, Миа одлучила да ја напушти порно индустријата поради закани од страна на ИСИЛ.
„Откако се здобив со голема популарност во порно филмовите, знаев дека ќе морам да престанам со тоа. Работите излегоа од контрола, а потоа започнаа и заканите од ИСИЛ. Всушност, никогаш не ни сакав да се занимавам со порно филмови. Во тој период од мојот живот тоа беше начин да се ослободам и да станам бунтовничка“, изјавила Миа за едно интервју.
Таа станала трн во око за радикалните исламисти откако снимила филм во кој се појавува со хиџаб имајќи секс со двајца мажи. „Тоа требаше да биде сатира, постојат американски филмови кои на многу полош начин ги дискриминираат муслиманите“, заклучила Калифа која својата кариера сега ја гради во спортското новинарство.
