Оваа необична боја на коса ги воодушевува сите љубителки на впечатливите нијанси кои не патат по природен изглед на косата.
По шминката, облеката и модните додатоци, металик трендот се најде и во бојата за коса. Омилената маица, чевли, сенка или чанта, сега можете да ја искомбинирате со бојата на својата коса – металик боја, новата хит нијанса и она што е сигурно не може да помине незабележано.
Идеалната празнична нијанса повторно се појави во сребрени тонови, а во меѓувреме настанаа варијации кои се поигруваат со различни нијанси со металик отсјај.
Благодарение на најновите технологии сега ви е достапна секоја боја на коса која ќе рефлектира сјај кој ќе ве издвои од толпата. Сребрена, златна, розова, се само дел од нијансите, а на вас е да ја одберете онаа која најдобро ја истакнува вашата личност.
