Постои причина поради која одредени луѓе влегуваат во вашиот живот
Луѓето секогаш велат дека не може вистински да се објасни зошто се чувствуваме на одреден начин околу некои луѓе. Се чувствуваме како Бог да ни ги испраќа тие луѓе со причина бидејќи тие ни се потребни во нашиот живот токму сега. Тоа се луѓе кои ќе не научат на важни лекции за животот.
Постои причина зошто Бог го бранува вашето срце спрема одредена личност и причина поради која некои луѓе не привлекуваат повеќе од некои други. Секој во својот живот памети една особа со која имал особена поврзаност и кога го научила на нешто многу важно или играла доста важна улога во неговиот живот. Но иронијата е таа што поголемиот дел од тие луѓе се привремени, односно должност им е да ја исполнат целта која е потребна во вашиот живот и потоа да заминат.
Бог ви ги испраќа некои луѓе во точно одредено време, Тој ви ги дава одговорите кои сте и барале преку тие луѓе. А кога ќе заминат, стануваме фрустрирани и не можеме да ги пуштиме. Не разбираме зошто Бог ни одземал нешто толку убаво или некој кој толку ни помогнал и не исцелил.
Но поентата можеби всушност е во тоа. Да ве научат како да ги пуштите, да се ослободите и да сфатите кога некој ја завршил својата улога во вашиот живот и со неговото заминување треба да пристигне нешто многу поголемо и поважно.
Личноста која ќе дојде и ќе остане засекогаш ќе биде таа до која ќе ве донесат сите тие попатни помошници кои доаѓаат и си одат. Пуштете ги кога ќе им дојде времето, за да ве однесат до она кое ви припаѓа.
