Сите понекогаш се чувствуваме уморно и истоштено, но со овие 7 трикови за ментално зајакнување можеме да бидеме посилни и подобри!
Ако животните потешкотии ве натераа да се чувствувате нерасположено и безнадежно – вие не сте сами. Животот е тежок, а уште потешко е кога се обидувате да го достигнете својот целосен потенцијал за време на предизвиците со кои постојано се соочувате.
За да ги надминете овие чувства и да продолжите храбро да чекорите низ животот, мора да работите на менталната сила. Добрата работа е што сите имаме можност да ја зајакнеме.
На психичката сила може да се работи на ист начин како и на физичката, но ќе треба да започнете со некои здрави навики и редовно вежбање.
Ова работи треба да ги правите секој ден за да ја доведете својата ментална сила на врвот:
- Искажете благодарност
Не е важно дали ќе водите дневник за благодарност, или само во текот на денот ќе кажете за што сте благодарни, важно е да ја искажете таа благодарност на кој било можен начин. На овој начин нема да се сожалувате себеси и ќе имате поведар поглед на светот, а изразувањето благодарност ќе ви одземе само неколку минути.
- Излезете од зоната на удобноста
Потрудете се да направите нешто што е малку непријатно за вас секој ден (на пр. Прашајте некој на улица колку е саатот). Кога зборувате иако сте нервозни или кога продолжувате да вежбате и покрај тоа што сте уморни – ова се можности и начини да станете подобри. Не само што овој метод ќе ве научи повеќе за себе, туку ќе ја зголеми и вашата самодоверба и ќе го олесни исполнувањето на предизвиците.
- Бидете сами со своите мисли
Зафатен распоред, компјутер, мобилен телефон што не престанува да ѕвони и притисокот да бидете продуктивни значи дека имате малку време за тишина. Но, ако сакате да изградите ментална сила, ќе треба да одвоите барем десет минути на ден за да бидете сами со своите мисли. Водењето дневник, медитирањето или едноставно уживањето во тишината ќе ви помогне да развиете поздрав ум.
- Вежбајте самосочувство
Разговорите што ги водите со самите себеси играат голема улога во тоа како се чувствувате и однесувате. Разговарајте со себе како што би разговарале со најблискиот пријател. Создадете внатрешен монолог што ќе ве охрабри и поддржува, но исто така ќе ве спушти на земја кога навистина ќе ви треба.
- Истакнете ја својата моќ
Ако се гледате себеси како жртва на сплет на несреќни околности – нема да постигнете ништо. Избегнувајте употреба на реченици како „Мајка ми прави да се чувствувам лошо“ или „шефот ме тера да работам до доцна“. Овие изјави можат да бидат преформулирани во реченици кои ќе ви ја вратат силата „Мајка ми ме контролира како се чувствувам. Но јас сум одговорен за моите емоции“. или „Ќе има последици ако не работам до доцна, но тоа е мој избор“.
- Препознајте ги вашите емоции
Емоциите играат голема улога во секоја одлука што ја донесувате. Откријте како се чувствувате и размислите за тоа како одредена емоција влијае на вашите избори. Ќе донесете најпаметна одлука кога вашите емоции и логика се избалансирани.
- Користете ја умствената моќ мудро
Енергијата и времето се ограничени за сите нас. Не фокусирајте се на работи што не можете да ги контролирате, или не размислувајте што се случило вчера и не грижете се за тоа што ќе се случи утре. Насочете ја вашата сила кон продуктивни активности, како што се решавање на проблеми или преформулирање на премногу негативни мисли.
