Зимата е многу поубава со овој напиток
Постојат некои вкусови и мириси кои се резервирани само за одредени годишни времиња. Зимата е резервирана за топли напитоци, помеѓу кои е и готвеното вино.
Ако сте се чуделе како во кафичите секогаш испаѓа подобро отколку во домашни услови, време е да ви откриеме трик кој ќе промени се. Состојка која на вареното вино му дава посебна арома и препознатлив шмек – тоа е парче портокал.
СОСТОЈКИ КОИ ВИ СЕ ПОТРЕБНИ:
- 500 мл вино
- 125 мл вода
- 2 лажици шеќер
- каранфилче
- бибер
- мускатно оревче
- поголемо парче портокал
ПОДГОТОВКА:
Една лажица шеќер стопете ја на тивок оган, откако ќе пожолти, прелијте го со вода. Потоа зголемете ја температурата и почекајте водата да зоврие. Потоа додадете уште една лажица шеќер и вино. Кога ќе почне да пени, тргнете го од ринглата. Виното не смее да зоврие.
Потоа додадете ги и останатите состојки па почекајте 5 минути пред да почнете со пиење за сите состојки да пуштат арома.
