Focaccia е еден од најпознатите медитерански рецепти кои веднаш ја стоплува душата и телото.
Фокачо е италијански плоснат леб сличен на нашата погача. Се пече на традиционален начин во рерна но се разликува по тоа што одозгора се украсува со зачински билки и разен зеленчук, може да служи и за правење сендвичи.
Во стариот Рим, панис фокачо бил рамен леб кој се печел на огниште. Како што се ширела традицијата, различните дијалекти и различните локални состојки резултирале со голема разноврсност на лебот.
Самото тесто фокачо содржи маслиново масло. Ароматични билки како рузмарин, оригано, и додатоци како што се лук, маслинки, шери домати, пиперки, сирење или месо се одлична декорација а служат и за да дадат уште подобра арома и вкус.
СОСТОЈКИ:
- 450 гр. брашно
- 25 гр. свеж квасец
- 1 лажица шеќер
- ½ лажичка сол
- 250 мл. млака вода
- 3 лажици маслиново масло
- 100 мл. маслиново масло
- 2 чешниња бел лук
- 1 лажица бел лук во прав
- 1 лажица сув рузмарин
- 1 лажица крупна морска сол
- маслинки
- 1 гранче свеж рузмарин
ПОДГОТОВКА:
Во чинија ставете квасец, шеќер и сол, додадете млака вода и маслиново масло и додадете две лажици брашно и покријте со крпа на десет минути за квасецот да се активира. Додадете брашно, помешајте и заместе тесто. Веднаш развлечете го и ставете во претходно премачка правоаголен плех. Преку ставете фолија и оставете еден час на топло место.
Маслиновото масло загрејте го да биде млако, додадете ситно сецкан бел лук, бел лук во прав и сув рузмарин.
Отстранете ја фолијата и прелијте го тестото со масло а потоа со врвовите на прстите направете вдлабнатина. Повторно оставете 10-15 минути тестото да надојде а потоа додадете маслинки и посипајте морска сол.
Печете во загреана рерна на 220 степени околу 20 минути.
Сервирајте го фокачо со маслинки, сирење, пршута, месо.. Тој оди со се.
