Научниците од Универзитетот во Хокаидо во Јапонија теоретизираат дека под Гренланд, во вечната темнина, постои огромна подземна река која се исполнува со топење мраз. Таканаречената „Темна река“ е хипотетички воден пат долг 1.000 километри и тече од длабокиот ентериер на Гренланд сè до Пејтерман Фјорд на северозападот на земјата.
„Резултатите го разгледуваат постоењето на долга суглацијална река“, вели Кристофер Чемберс од Универзитетот Хокаидо во Јапонија, „но сепак имаме дилеми“. Дилемите главно се должат на фактот дека нема многу радарски податоци од воздушните снимки над ледената плоча на Гренланд. Со текот на годините, откриени се делови од, како што се чини, џиновски, субглацијален долински систем, кои се протегаат под големи делови на Гренланд.
Бројни студии во последните неколку децении покажуваат дека ваквите ровови, долини или „мега кањони“ би можеле да лежат скриени во субглацијална средина, а исто така ја покренаа идејата дека водата тече на дното. Сепак, поради недостатоци во податоците, не е познато дали сите долини се поврзани во една долга, змиска река или се само делови од неповрзани појави и не е познато како водата би можела да се однесува таму.
„Не знаеме колку вода – доколку има – тече низ долината и дали навистина излегува на фјордот на Петерман или е замрзнат или излегува од долината по патот“, рече Чемберс, пренесува „Синсит алерт“. Во една нова студија, замислена како „експеримент за размислување“, Чемберс и неговиот тим ја истражуваа можноста долината да не е распарчена на одделни парчиња, но низ неа постојано тече долга река.
Во новото моделирање, истражувачите претпоставиле дека „Темната река“ навистина била континуирана. Врз основа на тоа сценарио, симулациите сугерираат дека водниот пат тече од центарот на Гренланд кон морето, а водата поминува низ непрекината патека. Иако откритијата засега остануваат хипотетички, истражувачите сметаат дека идните воздушни снимки може еден ден да можат да ги потврдат симулациите. Ако е тоа така, тоа не само што ќе ни кажеше дека Темната Река е вистинска, туку исто така ќе значи дека достигнавме ново ниво на способност да го моделираме однесувањето на ледената плоча на Гренланд – исклучително комплексно и мистериозно тело предвидено да имаат огромно влијание врз идното покачување на нивото на морето.
