(ВИДЕО) Забележан е необичен феномен на територијата на Камчатка – една од населените места е покриена со „торнадо“ од комарци, пренесуваат руските медиуми.
На Јутјуб каналот „Камчатка-инфор“ се појави видео на кое се гледа рој од инсекти како формираат торнадо, кое потоа се распаѓа.
Таквото „торнадо“ не е опасно, изјави ентомологот Људмила Лобкова.
„Ова се комарци кои не ловат топлокрвни животни, туку кружат околу една или повеќе жени за да се парат“, објасни таа.
Според експертот, оваа појава се случува секоја година, но може да се забележи во зависност од бројот на инсекти и временските услови.
