Свесни сме дека трендовите знаат да не излудат кога е во прашање личниот стил, па за оние неодлучните за овој месец издвоивме наши предлози кои дефинитивно морате да ги вклучите во вашата гардероба..
Еве што ви советуваме:
Јакна/дуксер од невообичаен материјал и дизајн – секогаш бидете смели да додадете нешто ново во вашата гардероба.
Пар стилски патики – се вклопуваат во секоја комбинација кога сакате да одморите од високите потпетици а воедно да изгледате модерно и софистицирано.
Светли фармерки – од нив никогаш не е доста, иако последниот пар сте го купиле пред два месеци, никогаш нема да ви биде премногу уште еден, едноставно ги носиме секогаш и секаде.
Очила за сонце – одлучете се за очила кои се надвор од вашата зона на комфорот, нека бидат ултра колоритни и невообичаени.
Мини здолниште – Мини здолништата никогаш не се тренд кој избледува, изберете здолниште на преклоп и дискретен шлиц, модните следбеници веќе полудеа по овој тренд.
Долг мантил – Ова парче дефинитивно ќе биде вашиот фаворит во било која дневна или вечерна комбинација, фустан или фармерки едноставно е елегантно и совршено. Изберете го во земјени тонови – маслинесто зелен или песочно кафеав.
Смели потпетици – Секоја девојка мора да има барем еден пар уникатни потпетици.
