Историјата на оваа иконска модна куќа датира од далечната 1921 година и се до денес таа е една од најпрестижните и најексклузивни брендови во модниот свет. Повеќе за овој италијански бренд прочитајте во продолжение, ви приложуваме факти кои сигурно повеќе од вас не сте ги знаеле.
Тајната околу логото
Двете букви GG во логото на овој бренд всушност се иницијалите на самиот создавач на оваа модна куќа – Гучио Гучи. Гучио ја основал империјата во Фиренца, Италија во 1921. Како млад имигрант додека работел во елитни хотели во Лондон и Париз тој бил импресиониран од луксузниот багаж кој го носеле софистицираните гости, таму тој го добил вниманието од Мерлин Монро која подоцна била една од неговите нај редовни и ексклузивни клиентки.
Инспирацијата околу дезенот
Гучи бил инспириран од коњи и јавачите на коњи, од таму дошла идеата и реализацијата околу дезенот и принтовите да изгледаат како потковици.
Отворањето на првата Гучи продавница
Првата Гучи продавница беше отворена во 1953. Тоа беше првата италијанска луксузна продавница отворена воопшто, но за жал истата таа година се случи и смртта на Гучио, а бизнисот го превзедоа неговите четири синови. Денес брендот поседува повеќе од 550 продавници. На оваа слика е прикажана легендарната Грејс Кели како напушта еден од нивните бутици во Рим во 1959.
Создавањето на мокасините
Класичните добро познати мокасини овој бренд ги создаде во 1932 година. Оригиналниот модел денес е изложен во Музејот на Модерна Уметност во Њујорк.
Појавувањето на платното
Поради недостигот на материјали, Гучи ја замени кожата со платно за време на Втората светска војна. Од тука датираше појавувањето на црвено-зелените траки.
Соработки со автомобилски компании
АMC Horneb од 1972 и 1973 година компактна со „Sportabout“ караванот,стана еден од првите американски автомобили кој има понудено специјална луксузна опременост. Спортските автомобили на Гучи се со зелени и црвени ленти на седиштата од биволска кожа, панели на вратите,како и амблеми на дизајнерот и надворешна селекција на бои. Американската корпорација Моторс исто така му понуди и на Пјер Карден издание на свој автомобил.
Том Форд
Познатиот дизајнер беше артистичен директор од 1994 се до 2005 година. Тој му донесе огромен успех на модната куќа.
Гинисов рекорд
Во 1998 година,фармерките „Genius“ од Гучи беа наведени во Гинисовата книга на рекорди како најскап пар фармерки кои постојат. Овие фармерки беа оскудни,искинати и покриени со африкански монисти и беа понудени за продажба во Милано со цена од 3134 долари. Овој рекорд беше надминат во 2005 година од страна на 115-годишните стари фармерки 501 од Леви Штраус & СО кои беа продадени на анонимен јапонски колекционер за 60.000 долари.
Гучи е рангиран на 38 место на нај вреден бренд.
Фустанот на Дакота Џонсон
Фустанот кој Дакота го носеше за време на нејзиното гостување во шоуто на Џими Фелон беше нај озборуваниот фустан кој стана вирален хит изминатиот период.
Соработка со УНИЦЕФ
Брендот донира значаен процент од својата заработка на Уницеф за помош во одделот на образованието, заштита на здравјето и чиста вода за децата заболени од Хив во Африка. Оваа кампања на брендот ја промовираше Ријана лансирајќи специјална колекција.
Музеј во Италија
Гучи поседува сопствен музеј лоциран во Palazzo della Mercanzia во Италија, одбележувајќи ја својата 90 годишна историја.
