Некој ќе каже дека секој човек е посебна индивидуа и дека се радува и лути на свој сопствен начин. Ќе се согласиме дека ова конотација е точна, но исто така, вистина е и тоа дека со нашиот живот, па и однесување и тоа како раководат ѕвездите, па со самото тоа за одредени особини знакот во кој сме родени умее да ги замеша своите прсти. Па така, Раковите се чувствителни и плачливи, но нервозни, додека пак Скорпиите се ладни, понекогаш пресметани, но и лојални пријатели. Време е да ви ги откриеме позитивните, но и негативните особини на вашиот хороскопски знак.
Овен
Планетата која владее со Овните е Марс, па затоа, личностите кои се родени во овој знак се енергични, храбри и полни со енергија.
Позитивните особини на овој знак се тоа што Овните никогаш не се откажуваат од својата цел, дури и кога останатите ги убедуваат дека тоа нешто е невозможно и тешко остварливо. Вие не се откажувате ниту кога ќе удрите со главата во ѕид. Нема предавање, само храбро чекорите понатаму не размислувајќи за последиците. Доста сте интелигентни, а вашиот мозок не се гаси ниту додека спиете.
Негативните особини на овој знак се тоа што брзо пламнувате, склони сте кон конфликти и ги критикувате туѓите грешки, односно како што би кажале старите, барате „влакно во јајцето“. Исто така можете да бидете себични, особено кога станува збор за љубовта. Со желба секогаш да бидете први и најдобри, честопати ги повредувате чувствата на другите.
Бик
Со Биковите владее планетата Венера, па затоа тие се отсликуваат со упорност, објективност и рационалност.
Позитивните особини кај Биковите се тоа што не брзате ниту со една одлука, а кај вас важи онаа позната поговорка: „Три пати мери, еднаш сечи.“ Задоволство е да се соработува со вас и да ве има во тимот, бидејќи сте ведри и колегијални, а најважно е тоа што сте спремни да се занемарите себеси за да им помогнете на другите.
Вашите негативни особини започнуваат со преголемата тврдоглавост. Немате многу маани, но воопшто не попуштате тогаш кога сметате дека сте во право, по цена сè да ви се врати по глава. Поради тоа можете да дојдете во ситуација во која луѓето ќе ве избегнуваат. Многу Бикови се и големи материјалисти.
Близнаци
Со Близнаците владее планетата Меркур, а вашите главни адути се високата интелигенција и љубопитноста.
Од позитивните особини се издвојува фактот што вие воопшто не мирувате и константно го истражувате светот околу вас, а потоа детално ги анализирате заклучоците до кои сте дошле. Ве краси и таа особина да умеете без никакви проблеми да се спуштите на нечие ниво и да се прилагодите на секоја ситуација. Исто така, вие сте многу секси и шармантни.
Негативните особини ви се тоа што понекогаш сте површни и жестоки.
