Славниот пејач Сил воодушеви еден уличен свирач кога излезе од толпата и запеа со него.
Сил во Монтреал го барал својот хотел кога го слушнал овој уличен свирач и решил да му се приклучи.
Заедно ја отпеаја “Stand by me”, а младиот музичар на својот Фејсбук профил напиша дека бил во исто време превозбуден и преплашен.
“Ми рече дека мојата музика навистина го трогнала, а јас дури тогаш сфатив дека е Сил. Не можев да поверувам. Потоа ми рече заедно да ја отпееме ‘Stand by me’. Бев многу преплашен, но кога го испеав првиот стих сите стравови исчезнаа”, напиша Џејсон Ди Питре, кој додаде дека бил воодушевен од скромноста на Сил.
