Лето е, топло е, а вие сè уште не можете да се привикнете на високите температури? Еве одличен начин за освежување за вас и за вашите пријатели. Мохитото со лубеница е лесно за подготовка, не одзема многу време, а дефинитивно има освежителен ефект. Викнете ги пријателите и уживајте!
Состојки
- лубеница
- нане
- бел рум
- кафеав шеќер
- обичен сируп за коктели
- лимета
- мраз
Начин на подготовка
Лиметата исечете ја на помали парчиња и ставете во бокал, потоа додадете кафеав шеќер и нане. Толчете со толчник се додека лиметата не пушти сок и шеќерот не се стопи. Лубеницата исечете ја на помали парчиња и ставете ја во блендер и мешајте. Потоа додадете ја во бокалот, ставете бел рум и обичен сируп и мешајте ги сите состојки заедно. Во чаша ставете коцки мраз или дробен мраз, а потоа ставете од мохито смесата. Декорирајте со ливчиња нане или парченца лубеница.
