Парчињата кои излегуваат од ателјето на Eли Сааб секогаш изгледаат како сон, а кога овој либански дизајнер ќе ги објави фотографиите од своите bridal колекции секогаш одново не воодушевува со својата магија која ја претвора во модна визија. Десет различни стилови венчаници доминираат во најновата bridal колекција за есен/зима 2017. Овој пат фокусот е ставен на деликатната и романтична чипка, традиционалната бела боја и цветните мотиви. Моделите варираат од драматични волуменозни кроеви до такви кои ја следат силуетата и слободно паѓаат. Останатите парчиња вклучуваат крзно, украси за коса, транспарентни велови со што Eли Сааб повторно и повторно докажува како обрнува внимание дури до најситните детали.
