Девица е единствениот хороскопски знак чиј симбол е жената. По природа родените во овој знак се најчесто срамежливи, наивни, конзервативни и воздржани луѓе, кои уживаат во состојбата статус кво.
Девиците се независни луѓе кои умеат сами да си ги завршат своите работи. Често се самоанализираат и понекогаш имаат тешкотија да пронајдат мотивација. Поради тоа, потребен им е некој кој ќе им вели да не бидат толку строги спрема себе и ќе ги охрабрува да успеат во своите цели.
Точно е тоа дека понекогаш ги сфаќаат работите премногу сериозно и знаат да се фокусираат само на работата и на ништо друго, но кога конечно ќе се опуштат бидете сигурни дека со нив ќе си поминете лудо и незаборавно. Во продолжение прочитајте зошто родените во овој знак се најдобрите пријатели што можете да ги посакате и зошто ви треба барем една Девица во животот…
Вистински пријатели
Ако имате пријател или пријателка со овој знак, вие можете да бидете сигурни дека ќе имате вечно пријателство. Нема да најдете полојална личност од Девицата. Тие го сфаќаат пријателството многу сериозно и никогаш не би направиле нешто што може да го загрози. Секогаш ќе застанат на ваша страна, дури и да сте погрешиле. А доколку забележат дека нивното присуство е навистина неопходно, тие ќе бидат до вас дури и да сте на другиот крај од земјата.
Поседуваат добро срце
Тие добродушни и учтиви. Освен тоа што сакаат да помагаат, тие знаат и како да се однесуваат во секоја можна ситуација. Никогаш нема да забележите дека се збунети и дека не знаат што да прават, иако тие можеби навистина така се чувствуваат. Девиците секогаш се насмеани кога запознаваат некоја нова личност, бидејќи сакаат да остават добар впечаток.
Добар ловец на детали
Девиците се единствениот хороскопски знак кој обрува внимание и на најмалите ситници. Тие знаат дека малите работи понекогаш се поважни од големите. Тие веднаш ќе ја забележат вашата нова фризура или пак дека нешто ве мачи или растажува. Ништо нема да можете да сокриете од Девицата, бидејќи таа веднаш ќе знае како се чувствувате само по вашиот поглед и тон на гласот.
Деталисти се и кога станува збор на хигиената
Девиците се идеалните личности за на одмор, бидејќи тие никогаш не ги одбегнуваат обврските околу чистење и фрлање ѓубре. Можете да бидете сигурни дека садовите секогаш ќе бидат измиени и тоа без вообичаените расправии кој да го направи тоа. Вие додека се карате кој бил на ред, Девицата веќе ја средила кујната без никаков приговор.
Посветеност
Тие не знаат за “доста“ или “откажување“. Едноставно, сѐ што ќе започнат, тие мораат да го завршат и тоа на најдобриот можен начин. Никогаш нема да запознаете поодлучна и попосветена личност од Девицата. Доколку некогаш се скарате, таа нема да крене раце додека не се средат работите помеѓу вас.
Знаат што ви треба
Девиците никогаш не купуваат работи што не им требаат само затоа што им се допаднале. И тоа важи за сите сегменти од нивниот живот. Девиците се неверојатно практични и не прифаќаат нешта што не им се потребни. Токму затоа тие ќе можат да ви помогнат да разберете што е она што навистина ви треба.
Даваат одлични совети
Каков и да е проблемот, Девиците ќе го разгледаат од сите можни аспекти, ќе ви понудат еден куп алтернативи и потоа ќе ви помогнат да го најдете најдоброто решение. Нивниот совет никогаш нема да биде непромислен и неразумен. Бидете сигурни дека нема шанси да погрешите доколку ги послушате.
Добро се забавуваат
Девиците сакаат и знаат како да се забавуваат, но знаат и да повлечат граница. Многу ретко им се случува да направат работи за кои подоцна се каат. А тоа значи дека со нив ниту вие нема да претерате, бидејќи тие ќе стават кочница на сите ваши лоши одлуки за кои утредента ќе зажалите.
