Родените во знакот на Стрелец имаат големи соништа и ништо не може да им ја сопре нивната фантазија. Тој е најуспешниот ловец на соништа кој благодарение на неговите позитивни вибрации ги привлекува луѓето околу себе и ги воодушевува со неговата умешност да направи работите да изгледаат поневеројатни одошто навистина се.
Припадниците на овој знак знаат да го препознаат потенцијалот на секоја можна ситуација. Без оглед на тоа во колку лош период се наоѓаат, тие ќе измислат еден куп сценарија за да ги свртат работите во нивна корист. На нив не им е воопшто важно туѓото мислење. Кога ќе најдат нешто што ги инспирира, тие се посветуваат на тоа со целото свое битие.
Постигнувањето на целта никогаш не е приоритет за нив. Тие бараат авантура. Спонтаноста е дел од неговата личност и постојано го менува текот на работите. Стрелецот ја обожава возбудата предизвикана од откривањето на непознатото.
Стрелците си одат ако им стане здодевно. Тие мразат повторувања и рутина. Доколку некогаш заглават на место каде што не можат да ги променат правилата на играта, се одлучуваат на слобода. Тие никогаш не смеат да се почувствуваат како да се заробени во кафез. Стрелците се вистински истражувачи на кои им е потребен голем простор за да дишат слободно и да талкаат низ светот.
Кога станува збор за љубовта, Стрелците се многу комплицирани особено кога станува збор за сериозни љубовни врски. Вистината е дека самата помисла на врзување создава мачнина кај Стрелецот. Тоа не значи дека тој не е способен за сериозна врска, туку само дека му е потребна поголема слобода.
Некои луѓе се подготвени да му го пружат тоа, додека, пак, некои едноставно не можат. Клучот од срцето на Стрелецот се крие во способноста да му се даде доволно простор за повремено бегство. Доколку му е дадена таа можност, тој секогаш ќе се враќа кај саканата личност и никогаш нема да го напушти домот.
На Стрелецот му е потребен некој кој ќе го сослуша и кој ќе верува во него. Само покрај таква личност ќе се чувствува исполнето.
