Завршете ја оваа врска што е можно поскоро
Ако вашиот инстинкт ви кажува дека нешто не е во ред со вашето сегашно момче, тогаш можеби треба да го послушате.
Новите врски можат да бидат прилично незгодни, особено ако од претходно не ја познавате личноста. Ако вашиот партнер покажува некој од овие знаци, тоа значи дека тој не е подготвен за сериозна врска.
Вие сте му прва девојка
Ви открил дека пред врската со вас имал само авантури и дека вие сте првата девојка со која е во врска. Можеби звучи ласкаво, меѓутоа тоа не значи дека нема да се премисли наскоро и дека нема повторно да се врати на кратките авантури. Исто така, највероватно тој не може да направи разлика помеѓу однесување на лице кое е во врска и кое не е.
Неговите пријатели не се добри луѓе
Понекогаш пријателите зборуваат многу за некоја личност. Иако тој можеби не мора да биде ист како нив, прашањето е: зошто се дружи со нив? Ако станува збор за безделни луѓе кои поминуваат денови во зборување на небитни работи, тој веројатно ужива во тоа. Запрашајте се дали ова е личноста со која сакате да го поминете остатокот од животот?
Тој е неодговорен и непристоен
Се чини дека ова не треба детално да се објасни. Кој сака да биде со личност која не ги почитува другите, не знае како да се грижи за својот живот и за своите најблиски?
Никогаш нема пари
Никој не вели дека идеалниот маж мора да има многу пари на сметката. Но, лицето кое не знае да располага со пари, припаѓа во светот на децата, а не во светот на возрасните. Можете да најдете подобро од тоа.
