Едукативниот центар за деца „Едуфронт“ најавува бесплатни, отворени, воведни часови за онлајн обуките од Digipath – Дигитални патеки за програмирање, веб дизајн и дизајн.
Ваквите отворени настани веќе станаа традиција на Едуфронт и редовно се организираат четврта година по ред, на почеток на секоја училишна година.
Преку нив им се дава можност на децата да се запознаат со неколку дигитални вештини и да стекнат основни знаења од истите, соодветни за нивна возраст.
Ги покануваме сите љубопитни ученици од 8 до 14 години да ни се приклучат на часовите за да откријат интересни факти за: програмирањето, веб дизајнот и графичкот дизајн.
Овие часови ќе се одржат на платформата Zoom и учеството е бесплатно. Потребно е само да се направи претходна регистрација на соодветниот линк, по што се добива повратен мејл со линк за приклучување на часот.
Присутните на овие настани ќе дознаат повеќе информации програмата и уписите на Digipath – Дигиталните патеки за учење за деца: Дигитална патека за програмирање, Дигитална патека за веб дизајн, Дигитална патека за графички дизајн и ќе се запознаат со тимот и предавачите.
На часовите децата ќе се ангажираат со воведни активности во почетните обуки од Дигиталните патеки за: програмирање во Scratch и Python, веб дизајн со HTML и CSS, графички дизајн на платформата Canva.
Нив ќе ги водат нашите повеќегодишни предавачи со цел учесниците да искусат дел од онлајн Digipath час, да научат нешто ново и интересно и истото веднаш да го применат и покажат.
Исто така, секое дете кое ќе учествува на барем еден час ќе добие попуст на цената за упис на редовните, целогодишни Digipath обуки.
Распоредот и линковите за регистрација до бесплатните, воведни часови се како што следува:
- 1 септември (петок) – Програмирање во Python, со почеток во 19 часот – регистрација на: https://bit.ly/digipath-python
- 5 септември (вторник) – Програмирање во Scratch, со почеток во 19 часот – регистрација на: https://bit.ly/digipath-scratch
- 6 септември (среда) – Веб дизајн во HTML/CSS, со почеток во 19 часот – регистрација на: https://bit.ly/digipath-html-css
- 7 септември (четврток) – Графички дизајн во Canva, со почеток во 19 часот – регистрација на: https://bit.ly/digipath-canva
ЕДУФРОНТ е едукативен центар за компјутерско образование, посветен на достапно и постојано дигитално учење. Целта на нашите програми за онлајн обуки е децата од основно образование да стекнат разни дигитални вештини за користење на компјутерската технологија.
Со усвојување на овие вештини децата полесно ќе се снаоѓаат во современата дигитална ера и ќе се подготват за поуспешно учење и кариера во иднина. Покрај тоа кај децата се развива: логичкото размислување, креативните вештини, способностите за решавање на проблеми и иновативниот дух.
Уписите за оваа учебна година веќе се во тек и ќе траат до 10 септември или до пополнување на наставните групи. Пријава или интерес за упис може да потврдите преку пополнување на нашата пријава или преку мејл [email protected] или телефонски на 070 700 237.
