По историскиот и распродаден коцерт на „Бијело дугме“ во Скопје пред повеќе од 10.000 посетители, Горан Бреговиќ, Младен Војичиќ- Тифа и Ален Исламовиќ, повторно се враќаат во Македонија, овој пат на голем концерт на отворено во Охрид, на 4 август (петок) на стадионот „Билјанини извори“, соопштија од „Авалон продукција“.
Ова е прв концерт на отворено на најголемиот и најуспешен балкански музички бенд и бренд на сите времиња, после навистина долго време. Влезниците се веќе во продажба.
