Иако можеби не е најдобро време пред летните одмори да се честиме со чоколадна торта сепак искористете ги јагодите и изненадете ги своите најблиски со прекрасна чоколадна торта со јагоди.
Состојки:
За тестото:
- 8 јајца
- 265 грама шеќер
- 265 грама брашно
- 265 грама путер
- 100 грама какао
- 100 милилитри млеко
- 2 лажици прашак за пециво
- 1 лажица ванилин шеќер
- За сирупот:
- 200 грама јагоди
- 100 грама шеќер
- 200 милилитри вода
За филот:
- 200 грама чоколадо
- 400 милилитри шлаг
- 50 грама шеќер во прав
- За декорација:
- Чоколадни трошки
- Јагоди
- Какао
Подготовка:
Загрејте ја рерната на 180 степени. Одберете две идентични округли тавчиња, намачкајте ги со путер и наросете ги со брашно.
Матете го путерот со шеќерот се додека добро не се соединат. Потоа додадете ги жолчките, млекото, какаото, ванилиниот шеќер и повторно се убаво измешајте.
Во друг сад изматете ги белките додека да добиете густа бела пена, а потоа додадете ги во подготвената смеса.
Смесата ставете ја во претходно загреана рерна и печете 25 до 30 минути, а потоа оставете го пандишпанот да се излади.
За сирупот:
Ставете ги јагодите, шеќерот и водата во сад на слаб оган да се крчкаат 10 минути, а потоа подготвениот сируп оставете го да се излади.
За филот:
Стопете го чоколадото и помешајте го со претходно изматениот шлаг. Додадете го преостанатиот шеќер во прав.
Кога состојките се готови почнете со филување на тортата. На декоративна чинија ставете го едното парче тестото и прелијте го со сирупот, потоа премачкајте го со филот од чоколадо.
Поклопете го со второто тесто и на врвот додадете го останатиот сируп.
Премачкајте ја тортата со шлагот и посипете ја со трошки од чоколадо. Украсете ја со јагоди.
Оставете ја тортата да се олади. Колку подолго стои, толку поубаво ќе го прими сирупот и подолго ќе остане мека и сочна.
