Сладоледот е омилената храна во летните месеци, но не и најдобар избор за одржување на линија. Постојат најразлични видови на сладолед, од оние кои се права калориска бомба до оние кои можат да се вклопат и во диеталното мени. Токму таков е сладоледот од краставица и лимон.
Овој сладолед не звучи примамливо и многумина го избегнуваат токму поради главната состојка – краставицата. Но, всушност оваа необична комбинација дава неверојатна свежина и вкус.
Доколку сакате ледени сладоледи, секако ќе сакате да го вкусите и овој сладолед од краставица и лимон.
Состојки:
- 1 краставица
- сок од 2 лимони
- 2 чаши вода
- шеќер/мед/стевиа
- лист од нане
Приготвување:
Сите состојки освен нането ставете ги во блендер и мешајте додека не добиете смеса. Потоа пробајте ја смесата за да проверите дали е доволно блага. По потреба додадете засладувач или вода. Смесата претурете ја во пластичен сад или чаша, прекријте ја со прозирна фолија, а на средина ставете дрвено стапче. Оставете ја во замрзнувачот околу 4 часа и уживајте во овој необичен сладолед!
