Овој четврток со почеток од 19:00 часот во Елит Плаза во Скопје ќе се одржи последното „Бизнис Кафе Македонија“ за сезоната 2016/2017, на кое повторно организаторите обезбедија супер говорници кои со присутните посетители ќе го споделат своето досегашно бизнис-искуство, научените лекции и плановите за иднина.
Гости на настанот ќе бидат Тодор Стојчевски – Директор на агенцијата за односи со јавност Чептер 4 Македонија, Сашко Самарџиоски – Генерален директор на Прилепска Пиварница и Елена Ристевска – пејачка и текстописец.
Сите оние кои се расположени за бизнис-дружење, споделување на искуства и запознавање на нови деловни контакти и потенцијални соработници, се поканети навреме да си ги резервираат своите карти на следниов ЛИНК или во сите продажни места од мрежата „Купи карти за се“.
Карти за настанот по цена од 300 денари, исто така, може да се купат и на фактура (пратете маил на: [email protected]) или директно на трансакциска сметка: 210 – 067036660110 (назив на примач: Актива Вел ДООЕЛ – Скопје, НЛБ Банка, цел на дознака: Учество на бизнис настан).
Настанот вообичаено трае околу 2-3 часа од кои првиот дел е резервиран за говорниците кои одговараат на прашања од модераторите и посетителите а потоа во вториот дел следува неформална дружба и нетворкинг во кој присутните и говорниците се запознаваат меѓусебе и разговараат за потенцијални соработки.
