Никој се уште не измислил чудесно решение за одржување на совршено чиста кожа, но постојат некои работи кои знаеме дека влијаат на изгледот на најголемиот орган на човечкото тело.
Исхраната и стресот се едни од клучните фактори, а на здравјето на кожата може да влијае и околината и згадувањето на воздухот. Голема улога играат и гените, а во врска со нив не може многу да се влијае. Меѓутоа, постои една работа поради која кожата на вашето лице е во многу полоша состојба отколку што би требало да биде, а не сте ни свесни за тоа.
Многу жени заспиваат со пуштена коса, што може да биде една од најголемите грешки кои ги прават. Природното масло кое го создава косата, како и производите кои ги користите како шампон, регенератор и слично, можат да ги затворат порите на вашата кожа и да ја иритираат. Поради тоа, лицето може да ви биде во многу полоша состојба отколку што би било доколку косата не ви е пуштена.
Но, решението е едноставно. Дерматолозите советуваат пред спиење секогаш косата да ја врзете во репче за да не спиете на неа. Само внимавајте да не ја врзувате премногу цврсто за да не ја оштетите, а и нема да ви биде пријатно да спиете со цврсто врзано репче на главата.
