Една девојка од Квинсленд, Австралија, стана Инстаграм ѕвезда благодарение на својата долга коса и боите во кои ја бои.
30 годишната Триша Реибелт има коса долга 1,20 метри, а покрај должината, го привлекува вниманието и со боите и необичните комбинации со кои ја украсува косата.
Нејзината коса е сосема природна и не носи додатоци. Почнала да ја расте уште во 2004 година, кога последен пат имала “вистинско потстрижување” на должина до своите рамена.
Триша, покрај љубовта која ја има за својата коса и необичните бои, пронашла начин и како да заработи од тоа, па станала модел за козметичка куќа.
За да ја одржи косата во здрава и добра форма, Триша користи шампон без силикон и регенератор еднаш неделно, а избегнува сушење на косата со жежок воздух.
