Пејачката и актерка Џенифер Лопез била гостинка во емисијата “Late Late Show” на Џејмс Корден.
Во делот на емисијата кој се нарекува “Carpool Karaoke” тој го зел нејзиниот мобилен телефон во рацете и невино ја прашал од кого се` има броеви во именикот.
Тој открил дека во именикот на латино дивата има броеви од Деми Ловато, Крис Браун, Бредли Купер, Иги Азелија, Ферги…
„Овој е најдобриот телефон кој сум го видел во животот! Дај ми да видам! Дај! Ова е лудило! Дали може, те молам, од твојот телефон да му испратам порака некому?“, ја прашал Корден.
„Кому?, го прашала Џенифер Лопез.
„Било кому. Да му испратам на Леонардо ДиКаприо?“
„Не“, викнала латино дивата.
Тогаш Корден напишал: „Еј, душо, се чувствувам како да морам да се опуштам. Некој предлог? Пиши ми, Џеј Ло (you know from The Block).”
„Не можеш тоа да го испратиш“, инсистирала ѕвездата, но Корден го притиснал копчето ’испрати’.
Неколку минути подоцна, Џеј Ло рекла: „Ми одговори!“
Тогаш, ја прочитала пораката од Леонардо ДиКаприо: „Сакаш да кажеш вечерва бу – бу? Во клуб?“
Како што рекла Џенифер, Лео сериозно поверувал дека таа му ја испратила пораката.
