Долгите и заносни нозе какви што имаат топ моделите Жизел Бундхен и Хајди Клум, или, пак, глумиците Кејт Хадсон и Ева Лонгорија, се сон на многу жени. Но, сепак мажите размислуваат малку поинаку. Факт е дека жените сонуваат за манекенска линија, тесни колкови и убаво обликувани, тенки нозе, иако машката дефиниција за женската убавина е сосема поинаква.
Оној дел од телото што жените не го сметаат за доволно атрактивен, на мажите и тоа како им е привлечен. Тоа е потврдено и од страна на едно истражување спроведено на голем број мажи. Имено, припадниците на посилниот пол требале да се изјаснат кој дел од женската нога им е најинтересен и како според нив би требало да изгледаат совршените женски нозе.
- Речиси 80% од испитаниците се задржале токму на заоблените и нагласените листови, делот од ногата на кој жените или воопшто не му обрнуваат внимание или едноставно не го сакаат и го кријат.
- Помалку од 50% се изјасниле дека нема ништо поелегантно од цврсти бедра какви што имаат танчарките.
- 32% од мажите ги издвоиле колената како најсексипилен дел од женската нога.
- Само 10% од мажите ги забележале женските глуждови.
Од друга страна, пак, жените изјавиле дека деловите од ногата кои воопшто не ги сакаат се глуждовите и стапалата, по кои веднаш следуваат листовите, кои посакуваат а никако не можат да ги намалат.
