Божиќната пченица е гордост на секоја домаќинка на празничната маса. Научете како правилно се сее
Божиќната пченица традиционално се сее на Света Варвара, која се слави на 17 декември.
Еве како правилно да го посеете овој најубав празничен украс:
- Пред сеидбата, пченицата треба добро да се натопи во млака вода и да се остави да отстои преку ноќ. Потоа исушете ја на хартиена крпа и засадете ја затоа што така подобро ќе изрти.
- Најдобро е да посее пченицата на чинија или во помала саксија. Не штедете на семето и покријте го со неа дното на садот, така што да нема празен простор – пожелно е дури и семето да се преклопува. Потоа покријте го со уште еден слој на земја.
Алтернативно наместо земја, можете да користите слој од памучна вата натопена во вода и да ја расширите врз пченицата. Ватата е практична затоа што ја апсорбира вишок на течноста.
- Не ја чувајте пченицата до место што е премногу блиску до греење бидејќи може да се исуши. Најдобро е да ја поставите во близина на прозорец, на умерено топло и светло место.
- Првите неколку дена, пред да започне да никнува пченицата, покријте ја со алуминиумска фолија што е отпорна на влага.
Веднаш штом ќе почне да никнува, отстранете ја фолијата и поливајте ја пченицата умерено секој ден. Потребна ви е околу една лажица вода за да ја наводните чинијата со пченица и рамномерно да се распореди водата, користете пластично шише со спреј.
- Кога пченицата ќе порасне, исечете ги врвовите на иста висина. Обичај е да се врзе тробојна лента околу пченицата.
