Компанијата Facebook ја претстави новата функција “Masks” која ќе биде достапна за корисниците на мобилна апликација Фејсбук.
Во почетокот ќе има специјални маски подготвени за Ноќта на вештерките, а потоа филтрите ќе се менуваат.
Се уште услугата е достапна само за корисниците на iOS во САД, а Велика Британија и Нов Зеланд и во другите земји функцијата „маски“ ќе се појави во наредниот период – соопштуваат од компанијата.
Изминатата пролет социјалната мрежа Фејсбук ја купи апликацијата за обработка на слики и видео MSQRD, создадено од белоруската компанија Masquerade Technologies Inc.
Со нејзина помош, користејќи ја предната камера, на лицето на корисникот можат да се поставуваат различни филтри-маски, по што сликите се делат на социјалната мрежа. Во библиотеката на апликацијата има различни маски, вклучувајќи и на познати актери.
