Медлин Стјуарт продолжува да нижи успеси. 19-годишната девојка со Даунов синдром повторно ја освои Њујоршката недела на модата и дефилираше на ревијата на Art Hearts Fashion.
Претставувајќи креации од колекциите пролет/лето 2017 на американскиот бренд House of Byfield и на дизајнерот Руту Бонсли, познатата Австралијка гордо чекореше на модната писта.
„Ако таа привлекува многу внимание, тоа е прекрасно, бидејќи тогаш можеме да зборуваме со светот за вклучувањето и разновидноста. Од друга страна, ако не привлече многу внимание, таа станува норма. Во секој случај тоа е победа“ – изјавила нејзината мајка Росана.
Стјуарт и минатата година беше дел од модната недела во Њујорк и дефилираше за брендот „FTL Moda“.
