Ви споделуваме стилска инспирација како да ја носите бојата која ќе ја одбележи оваа пролет
Новата сезона ни донесува модни трендови со кои ќе внесиме освежување во нашиот плакар и ефектна промена на изгледот. Во центарот на модните трендови кој ќе ја одбележи претстојната топла сезона е раскошната и вибрантна палета на бои. Оваа сезона во фокусот ги става впечатливите пастелни нијанси.
Жолтата боја е истакната како апсолутен фаворит а своето владеење веќе го започна преку најновите колекции на познатите брендови во кои таа ја имаше главната улога.
Бојата на сонцето и ведрината дефинитивно ќе ни биде омилена поради тоа што е лесна за комбинирање и одлично се вклопува во сечиј стил и прилега на секого.
Можете да ја комбинирате заедно со останатите пастелни нијанси на сина, розова и зелена, или во класични изгледи со бела или црна.
