Нашата Тамара Тодевска кон крајот на април стана мајка за прв пат, а нејзината ќерка Хана е се послатка и послатка.
Кога сопружниците ќе се остварат како родители, се чини дека нивниот поглед на светот се менува и се фокусира само на наследниците. Токму тоа го потврдија Тамара и Александар, родителите на малата Хана.
Тамара вели дека таа и нејзиниот сопруг Александар Димитровски – Мачка не ја тргаат насмевката од своите лица откако во април ја добија својата прва ќерка.
Тамара по породувањето откри како на неа влијаело мајчинството:
“Не ни претпоставував дека постои таква љубов, тоа е нешто неверојатно. Не можам ни да опишам како се чувствувам кога ќе ја видам, гушнам или кога ќе ме погледне и допре со рачињата.”
Како сега уживаат во друштво на Хана во нејзиното растење и созревање, Тамара и нејзиниот сопруг потполно поинаку гледаат на празниците кои ни претстојат кои оваа година за прв пат ќе ги прослават во поинаков состав.
Затоа и побрзале со китењето на новогодишната елка, како би можела Хана што подолго да ужива во празничната магија.
Интересно е дека Хана од мали нозе се облекува тотално поинаку и дека веќе има свој претпознатлив стил баш како и нејзината мајка, но и горда тетка, пејачката Тијана Дапчевиќ.
